اتہاس بدل کے رکھ دیندی ہے
دھرماں دی نفرت
پجاریاں دا آپسی مت بھید
رچ دیندی ہے
عام انسان دیاں
رگاں وچ وناش کاری کھیل
بال دیندی ہے
عقلاں دے آلے اندر
سرخ لاٹ دی لو
تان دیندی ہے
کینوس اُتے
رنگاں دا جادو
چھڑکن والے بُرش دی تھاں
تھما دیندی ہے ہتھ وچ
تلوار
بندوق
گولہ بارود
تے بن جاندا ہے انسان
ہٹلر
جیہڑا کر دیندا ہے
دھرتی دا وناش
اوہ دھرتی
جس نوں
خود اُس نے کدے واہیا سی
بیجیا سی
سجایا سی
آپنے رنگاں دے سُپنیاں نال
رہن واسطے
اُف ، دھرم دی نفرت
بنا دیندی ہے
عام انسان نوں
ہٹلر
