میں کافر ہی سہی
پر میں محبت کیتی ہے
زمانہ سزا دیوے مینوں
جے میں گستاخی کیتی ہے
رادھا نے وی کرشن پوجا دی
ایہی گستاخی کیتی سی
تے زمانے دیاں چوبھاں جھل کے
وی اوس نے سی نہ کیتی سی
میراں نے شام دی بن بانوری
زہر باشوک پیتی سی
حالوں بے حال ہو کےوی
شام دی اڈیک کیتی سی
میں میراں نہ ہی سہی
تے نہ میں رادھا ہو سکدی ہاں
پر محبت کرن دی گستاخی
تاں میں وی کر ہی سکدی ہاں
کراں انساناں نوں محبت
جاں میں کراں کسے بُت نوں
کیوں ہووے فکر تینوں
جاں ہووے فکر کیوں اوس نوں
میں کوئی جُرم نہیں کیتا
تے نہ کوئی قہر ڈھایا ہے
بس کیوں طرز زمانے نوں
آپنی ٹھوکر تے لایا ہے
توں کافر کہہ پکار مینوں
ایہہ تیرا آپنا دایا ہے
کیونکہ تیرے دل تے بیٹھا
اک نفرت دا سایہ ہے
انجو کافر ہی صحیح
پر ہے نہیں پیار توں خالی
لعنت ہے اوس زمانے نوں
جس جس نے نفرت ہی ہے پالی
میں کافر ہی صحیح
پر میں محبت کیتی ہے
زمانہ سزا دیوے مینوں
جے میں گستاخی کیتی ہے
