وستی دے وچہ کال پیا اے
مردی پئی اے وسوں ساری
وستی دے مزدور نمانے
لوڑھ کے اپنا خون پسینہ
سارا دنہہ مزدوری کر کے
شامیں ادھی مُنی روٹی
اوہ وی رُکھی سُکی کھا کے
روسن نہ فریاد کریسن
وستی دی امداد کریسن
ویسے ایہہ انصاف تاں نہیں نا
وستی دے مزدور نمانے
کلہیاں کیوں قربانی دیون؟
وستی دے سردار وی سوچن
قاضی تے پریہار وی سوچن
سِیں دے پہرے دار وی سوچن
کُجھ دنہہ تہاڈی روٹی اُتے
گھیو دا تیلا گھٹ لگ جاوے
قسم خُدا دی کجھ نہیں ہوندا
وستی دی امداد ہو جاسیں
وستی مُڑ آباد ہو جاسیں
