کاغذ چگدے چن ستارے چوکاں توں
سچ نئیں سُنیا جاندا جھوٹھیاں لوکاں توں
تیرے توں نئیں قسمے رب دی تیرے توں
ڈر لگدا اے مینوں تیریاں شوقاں توں
نام مقام ہمیشہ کم نال بندہ اے
کدے نئیں ہوندے لوک متاثر لوکاں توں
نکیاں لوکاں نوں میں نکا جاندی رئی
کجھ نئیں سکھیا اج تک وڈھیاں لوکاں توں
حاکم تے زردار جیہڑے آکھوندے نیں
خورے کد جِند چھٹنی ایناں جونکاں توں
رب سوہنے توں بعد بڑا ڈر لگدا اے
ڈر لگدا اے بشری نوں ڈرپوکاں توں
