روڑ غماں دے اکھ وچ پیہنے پیندے نیں
جیون، سوکھے تھوڑی پینے پیندے نیں
آپے اپنی نندیا کرنی پیندی اے
پاٹے گلمے آپ ہی سینے پیندے نیں
زہر توں کوڑے ہوندے گھٹ وچھوڑے دے
پی نئیں ہوندے فیر وی پینے پیندے نیں
دُکھ لفافے دے وچ کِنے ماواں دے
پاونے پین تے پچھیا دھی تے پیندے نیں
راہواں مل کے بیٹھے نیں ہلکائے ہوئے
لنگھدے وڑدے روز کمینے پیندے نیں
بشری پھٹ تے ہر کوئی لاندا پِھردا اے
اوہنوں پُچھو جنہوں سینے پیندے نیں
