چھج توں اُچا چھاننے چیکے حد مُک گئی اے
انھی اکھ وی خواب اُڈیکے حد مُک گئی اے
پیاس بجھاوندے اکھیں ویکھے تھل وچ بچے
پانی دی تھاں اتھرو پی کے حد مُک گئی اے
گل کرنے دا چج نئیں جنہوں کیسی گل اے
اوہو دسے جین طریقے حد مُک گئی اے
وڈا اردو مین اسانوں آکھن لگا
ہم نئیں بنتے یار کسی کے حد مُک گئی اے
توں کہنا ایں ہُن وی ہاسا ہسی جاواں
سجنا زہر پیالا پی کے حد مُک گئی اے
ظالم جابر اگے بشری ہو نئیں سکدا
بیٹھی رہ جائے بلھیاں سی کے حد مُک گئی اے
