ایہہ جِندڑی بے رنگ اَساڈی
قِسمت کِیتی ننگ اَساڈی
پِیڑاں لہو اِچ گڈّھِیں پائیاں
نَس نَس ہو گئی تنگ اَساڈی
خالق ہَتھ تے پیَر چا بدّھے
خلقت دے نَل جنگ اَساڈی
وِینی گھُٹ کے پَھد لئی زخماں
ٹُٹ گئی ہِک ہِک وَنگ اساڈی
کَنڈیاں دے وَس درد اساڈا
ہِجراں دے ہَتھ منگ اساڈی
اَفراتفری دے وِچ نِکلے
ہر شَے رہ گئی جھنگ اساڈی
کنڈ بچاون اوکھی ہوئی
یاراں دے نَل جنگ اساڈی
حوالہ: دل دے ہتھ مہار ( ویکھو )
