حسدیاں ہوئیاں کجھ نہیں لبھنا پاویں فکراں ہوریں
پُن کما لے غیبت چھڈ ریناں پاویں بھوریں
غیبت پاروں رب وی روکے اوہدی حد نہ توڑیں

دُکھ دے ویلے کوئی نہ اپڑے سُکھ دے سانجھی سارے
جس تن لاگے سو تن جانے جھوٹھ گلاں کس کارے
اپنے کسبیں موج بہاراں غیراں کد کداریں

چال چلتراں کوڑے یاریں فیض کسے نہ پایا
بَھن کماناں صاحباں جیکر مرزا جٹ مروایا
لیکھ تے ازلیں امبروں لوکا پائے کسے نہ چوریں

میں تے چاکر مرشد اپنے خصم وی اوہنوں جاناں
ان حلالیں ڈاڈھے کسبیں اِچھا نہ جھوٹھیاں شاناں
قرشی نمانے تانگاں مرشد تانگ نہ کوئی ہوریں