نظر نوں کس طرحاں پڑھنا جیہناں نوں جانکاری ہے

نظر نوں کس طرحاں پڑھنا جیہناں نوں جانکاری ہے
دلاں نوں سمجھنے دی وی اوہناں نوں جانکاری ہے

کہاون خود نوں چاتر پر اساں نوں سمجھدے مورکھ
اسیں کیہ ہاں تے اوہ کیہ نے؟ اساں نوں جانکاری ہے

گزرنا رات ویلے وی کدے ممکن نہیں ہونا
اوہناں سارے دراں دی پاسباں نوں جانکاری ہے

اوہ بیٹھے سامنے لیکن چلاوندے تیر نے گجھے
اوہ کیہ نے سوچدے ساڈے دلاں نوں جانکاری ہے

نہیں لگنا پتہ اس شہر وچ گوڑہا ھنیرا ہے
بھلیکھا ہے مگر اس آسماں نوں جانکاری ہے

کھلاری چوگ سی جاں ورتیا ہتھیار کوئی ہور؟
پرندہ کس طرح مر یا؟ تہانوں جانکاری ہے

دلاں وچ تھرتھراہٹ سی کہو وچ سرسراہٹ سی
اوہ بوسے لرزدے سی کیوں؟ لباں نوں جانکاری ہے