کدے وی ہر کسے دے خواب جاں عادت نہیں ملدی
کسے دے نال ساڈی اس لئی حسرت نہیں ملدی
نظارے قدرتی جس شخص تے جادو نہیں کردے
اجیہے آدمی نوں آن کے قدرت نہیں ملدی
بنے اوہ ہور مٹی دے اسیں ہاں ہور مٹی دے
اوہناں دے نال ساڈی سوچ تے فطرت نہیں ملدی
نہیں محسوس کر سکدا کسے دے درد نوں جیہڑا
محبت کرن دی اس نوں کدے مہلت نہیں ملدی
ہمیشہ سوچدا رہندا ہاں ہر پل اپنے بارے
کسے چوں عیب بھالن دی کدے فرصت نہیں ملدی
حوالہ: گفتگو؛ سانجھ؛ صفحہ 22 ( ویکھو )
