نہیں بھاوندا نگر ایہہ وی نہ ایتھے آشنا کوئی

نہیں بھاوندا نگر ایہہ وی نہ ایتھے آشنا کوئی
نہ کوئی جاندا مینوں نہ میرا رہنما کوئی

میں پہلاں جاننا ہے سچ پھر وشواس کرنا ہے
نہیں ملدا کسے دے نال میرا فلسفہ کوئی

ہے ملدا آدمی نوں آدمی ہن اجنبی بن کے
پرائے دس رہے ہمسائے وی نہ اپنا کوئی

دھیائی جا رہے جس نوں مبارک ہے تہانوں اوہ
خیالاں ساڈیاں وچ ہور ہی وسدا خدا کوئی

خطا میتھوں ہوئی ہونی پتہ جس دا نہیں مینوں
کسے دے نال رسدا کد بھلا ہے بے وجہ کوئی

جدوں توں جاچ آئی من چ جھاکن دی ادوں توں ہی
نہیں ہویا کدے مینوں کسے تے وی گلہ کوئی

کہانی جگنو آں دے شہر دی لگدا نہیں یارو
کسے کردار وچ دسدا نہیں روشن نشاں کوئی