ٹر گئے نے جے جاون والے، کی کریئے ؟
قسمت دے انداز نرالے، کی کریئے ؟
سارے گھراں نوں جنہاں روشن کرنا نہیں
ایہو جہے مجبور اجالے، کی کریئے ؟
اکلاپے نے روح وچّ ڈیرے لائے نے
رولے نے جے آلے دوآلے، کی کریئے ؟
ساڈے تاں سبھ جذبے پتھر ہو گئے نے
شام، سویرے، دھپاں، پالے کی کریئے ؟
خورے کناں پندھ اجے تکّ باقی اے
پیراں دے وِچّ پے گئے چھالے، کی کریئے ؟
ساڈی پیاس تے ہور ودھائی بدلاں نے
بھر گئے نے جے دریا نالے کی کریئے ؟
ساڈی سانجھ سلیم جیہدے نال پے گئی اے
جے اوہ ساڈی پگّ اچھالے، کی کریئے ؟