اسیں مرجھا رہے پُھلاں نوں ایوں کِھڑنا سکھانواں گے
کہ سُولی تے وی کِھڑکے صدق دی خوشبو کھنڈاواں گے
زمانے دی حکومت نال ایوں متھا لگانواں گے
کہ بدلاں گے زمانے نوں نہیں تاں جوجھ جاواں گے
سدا توں سچ چڑھدا آ رہیا اے سُولیاں اُتے
ستم دی مسیا چوں صدق دی پونم کھڑانواں گے
سویر آؤندی کروڑاں تاریاں دی جان لے کے ہی
تدے تاں اسیں وی قربانیاں دا خون پاواں گے
اسیں ہاں پت سُکے رُل رہے دھرتی تے تھاں تھاں تے
اکٹھے ہو بھلے تاں جبر دی لنکا جلاواں گے
ہوائے نی بھلا توں مان کاہدا کر رہی اینا
وگیں گی تیز جیویں جیویں ہور اُچے اپر جاواں گے
رہے گا عشق ساڈا پیل پاندا سولیاں اُتے
گھرے آئی مصیبت نوں وی سینے نال لاواں گے
