بُھلیا ہویا راز

اج اک موسم اُڈدا اُڈدا
میرے ویہڑے آیا
تھوڑی دیر لئی اوہنوں اپنے
دل دے کول بٹھایا
موسم کیہ اک راز سی جیویں
ہور صدی دے دُکھ دا
انبر ہتھوں اُڈیا ہویا
ماریا سی جیویں سُکھ دا
ٹٹیا بجھیا تھکیا ہاریا
فیر وی صندل ورگا
اک صدی دے بعدوں لگے
سروں دی گندھل ورگا
بلھ دی چُپ وچ لُکیا اوہدا
حال سی گنجھل ورگا

ایہہ موسم میرے دل ورگا سی
دل توں دور نہ ہویا
تھوڑی دیر لئی بیٹھا فیر اوہ
کدھرے جا کے مویا