خورے کس گلی چوں میں ہاں لنگھدی پئی ؟
ڈردی ڈردی سہمی سہمی کمبدی پئی
ہر بوہے اُتے رکدی، رک کے ٹر پیندی
خورے کیہنوں لبھدی ؟ میں کی منگدی پئی ؟
رنگاں نوں میں لبھدی رستہ بھلّ گئی آں
اج وی چناں کیوں چنی نوں رنگدی پئی ؟
کدھرے جھلی تاں نہیں ہو گئی، ربّ جانے
آپے ہسدی، روندی، آپے سنگدی پئی
نت ٹٹی ایہہ لاں، نت چنی اڈ پڈّ گئی
آساں دے جوڑے نت لاں اتے ٹنگدی پئی
روپ دیاں گلیاں دے وچّ گواچ گئی
خاور بے رنگاں توں توں رنگ منگدی پئی ؟
