سجن پیارے نشیاں وانگوں چھڈے نئیں جاندے
ویری چل کے گھر آ جاون تے کڈے نہیں جاندے
کھرلی اُتے سارے ڈنگر بھاویں بُھکھے مر جان
میرے کولوں چوری پٹھے وڈھے نہیں جاندے
سچی گل توں بے شک میرا سِر لتھ جاوے
جھوٹی گل توں نال کِسے دے آنے ٹڈے نہیں جاندے
پتہ اے تھانیدار نوں سارے نقشے دا
ایویں چور تے ڈاکو چھڈے نہیں جاندے
کھوتیاں اُتے چھٹ پا لینی سوکھی اے
بناں اڑاندیاں اوٹھ لدے نہیں جاندے
ملن دی آس اے کشفی جیندیاں سجناں نوں
مر گئے یار گواچے لبھے نہیں جاندے
حوالہ: آساں دا سورج؛ صفحہ 113