کیہ کری جانا ایں وے کیہ کری جانا ایں
ویکھ سانوں کٹھیاں نوں کیوں سڑی جانا ایں
ووٹ تیرے گھر دے وی لے کے وکھانواں گے
کیتے ہوئے قول اسی توڑ نبھانواں گے
جھوٹو جھوٹ رانیاں دا رعب پیا دکھانا ایں
کیہ کری جاناں ایں وے کیہ کری جاناں ایں
رل کے صدیق عبدالرحمن نال رہنا ایں
ضیا تے صدیق کول ہر ویلے بہنا ایں
گھر چھڈ اپنا کیوں دوجے محلے جاناں ایں
کیہ کری جاناں ایں وے کیہ کری جاناں ایں
کیہڑے منہ نال ووٹ لوکاں کولوں لویں گا
کیہ کم کراں گا، محلے نوں کیہ کہویں گا
محلاں نال ٹکر نال متھا کیوں پڑوانا ایں
کیہ کری جاناں ایں وے کیہ کری جاناں ایں
رب تے رسول بعد بھرا کم آؤندے نیں
وقت گوا کے تیرے جیہے پھر روندے نیں
اگ دوجے گھر دی وچ کیوں سڑی جاناں ایں
کیہ کری جاناں ایں وے کیہ کری جاناں ایں
کملیا بھراواں کولوں دور نئیں ایہناں رہی دا
دل والا دُکھ سارا کشفی نوں کہی جا
شیطان پچھے لگ دانہ کنک دا کیوں کھانا ایں
کیہ کری جاناں ایں وے کیہ کری جاناں ایں
ویکھ سانوں کٹھیاں نوں کیوں سڑی جاناں ایں
کیہ کری جانا ایں
حوالہ: آساں دا سورج؛ صفحہ 90