اِیسی مَچھری دل دی پِیڑ پرانی رات
دکھ دے نیناں نال وی بیہہ کےچھانی رات
پلکاں نال وی سورج دا گھنڈ چکیا میں
مگروں فیر نہ لَتھی نِگھر جانی رات
شَک دے چور پخایا ایناں ویراں نوں
وَنڈ کے ستے گھڑیاں دا وی پانی رات
دِھیاں بَھار سِراں دے مال پرایا کیوں
پُچھدی پُچھدی سٶن گٸی لاڈو رانی رات
میں تے میرے ورگے میرے کملے نین
پا کی بیہہ گٸے پانی وچ مدھانی رات
دل دا پھٹ کی اکھ دے ویہڑے مِہک پیا
میرے پیریں پے گٸی رات دی رانی رات
انور ساہنواں سَر دے تیلے بن گئیاں
میں جد اوہنوں بُھل جاون دی ٹھانی رات
