اک جاندے موسم دے پِچھے

جد خوشبو دی ہنیری
رنگ برنگے کپڑے پا کے
جھل پیندی سی

جد ہر عکس تے ہر نقشے وچ
مینوں اوہدی بھل پیندی سی

جد سجرے ہتھاں دی مہندی
خون دے رنگ وچ
رل جاندی سی

جد ساہواں دے سارے ہنیرے
طاقاں اندر
لہو دی بتی جگ جاندی سی

میں انھے وا
اک جاندے موسم دے پِچھے
ٹُر پیندا سی

نذیر قیصر دی ہور شاعری

• ⟩  اک جاندے موسم دے پِچھے
• ⟩  اک عجیب سُفنا
• ⟩  ایس دنیا وچ ہر کم اپنے ہتھیں کرنا پیندا اے
• ⟩  تُوں
• ⟩  تیجا حرف
• ⟩  دو تصویراں
• ⟩  زیتون دی پتی
• ⟩  سارے حرف جُدائی والے
• ⟩  ست اسماناں اُتوں
• ⟩  عمراں بیت گئیاں
• ⟩  نذیر قیصر دی ساری شاعری