پچھدا اے
کیہ کردے اوہ؟
لکھدی آں
دو چار حرف کی لکھ لیندے او
اوقاتوں باہر ای لگدے او
پچھدی اے
ایس گل دا کی مطبل اے؟
کیندا اے
کج روغن لا کے اکھراں نوں
تے اولھے رکھ کے سطراں نوں
پٹّھی مت وی سدّھی کرکے
کڑیاں نوں کیوں پَٹدے او ؟
چپ رہندی اے
جھکدی اے
فر کیندی اے
جو چاواں گی لکھاں گی
زہراں بَھرکے ہوکے لکھاں
کَنڈیاں ورگے پینڈے لکھاں
یا ان پڑھ دے نوحے لکھاں
تینوں کیہ اے ؟
تیری دھی ،رن ،ماں یا بھین ہوواں گی
پر جد میں لکھدی آں
تد میں جنتا دی آں
توں مینوں ٹوک نہیں سکدا
ہن میں لِکھنا سِکھ گئی آں !!
