حق امکان تصور کیتا
ظاہر تھیا جو کجھ نیتا
میں کیوں شے دی ماہیت کجاں
تصور دے وچ لکھ لکھ حجّاں
عقل فکر دی ظاہری پوجا
اپنا نظری آندا دُوجا
دُوئی دے دانے چھڑسن چھناں
تصور دے وچ لکھ لکھ حجّاں
بھاویں سے وار کعبے جاویں
ماہیت کعبے دی نہ پاویں
باجھ تصور رہن نہ لجّاں
تصور دے وچ لکھ لکھ حجّاں
ماہیت باجھوں خیال ادھورا
ماہیت سنگ تصور پورا
زمان مکانی قیدوں بھجّاں
تصور دے وچ لکھ لکھ حجّاں
حوالہ: کافیاں (چونواں کلام)؛ شہزاد قیصر؛ سچیت (لاہور)؛ صفحہ 221