عشقوں مِلدا ودھ مقام
عشاق عشق مدرسے آون
سوہنے یار دیاں خبراں پاون
ہوندے جاون مست مدام
عشقوں مِلدا ودھ مقام
عاشق دسن پاروں جھکدے
ہر سو یار دی صورت تکدے
درشن لکھ کروڑ سلام
عشقوں مِلدا ودھ مقام
مرشد سُتڑے بھاگ جگاؤندا
لیکھوں بختوں یار ملاوندا
آپ پلاوندا عشق دا جام
عشقوں مِلدا ودھ مقام
میراں عشق دی صحبت ٹوریں
من پریمی تاراں جوڑیں
سَے مشاہدے کشف الہام
عشقوں مِلدا ودھ مقام
حوالہ: کافیاں (چونواں کلام)؛ شہزاد قیصر؛ سچیت (لاہور)؛ صفحہ 285