چس وی ہے پئی وصال دی ہجرِ صنم دے بعد
آندی خوشی وی راس ہے درد و اَلم دے بعد
تیڈے بعد جو گُلاب کوں ڈٹھے تاں ایں لگے
کیتا ہے اَکھ مسیت وچ سجدہ حرم دے بعد
میڈی قسم تے یار جی تو کر نہ کر یقین
مَیں کُئی قسم نی چاونی تیڈی قسم دے بعد
لگدا ہے جیویں ہوویں توں تقدیر دا مشیر
کیتا کرم نصیب ہے تیڈے کرم دے بعد
اللہ دی دوستی دے وچ شاکؔر ہے سُکھ مگر
پہلے جنم توں پہلے تے ڈوجھے جنم دے بعد
حوالہ: کلیاتِ شاکر، گفتگو پبلی کیشنز اسلام آباد؛ صفحہ 60 ( ویکھو )
