سجن جی اساں اندرو اندری
کِرچی کِرچی ہوئے
موت دے مارے ہر کوئی مردا
بِن موتوں اسیں موئے
ایہہ غم خون جگر دا پی گیا
تیرا وی من میلا تھی گیا
تاں بہتا دل روئے
سوچیں گہر گھنیری ہو گئی
سینے سوچ ودھیری ہو گئی
دُکھن اکھیں دے کوئے
درد اساڈڑے لُوں لُوں اگیا
تہمت تیر کلیجڑے کُھبھیا
پھڑ پھڑ درد ہلوئے
کدھر جائِے دل نہیں وس اچ
چیتا چننگ چُبھے نس نس وچ
نیر اکھیں تھیں چوئے
حوالہ: کوئی اندروں در کھڑکاوے، صفحہ 38 ( ویکھو )
