شارب

پروفیسر خوشی محمد، جنہاں نوں اونہاں دے قلمی نام شارب یا شارب انصاری دے نال وی جانیا جاندا ہے، 20ویں صدی دے اک مشہور پنجابی شاعر سن۔ اوہ 20 مئی 1937 نوں امرتسر وچ پیدا ہوۓ اتے پنجاب دی ونڈ ویلے جھنگ شہر ٹر آئے۔ اوہ گورنمنٹ کالج گوجرہ وچ بطور استاد اپنیاں خدمات سر انجام دیندے رہے۔ اونہاں دیاں کتاباں وچ 'کوئی اندروں در کھڑکاوے' (1999)، 'بال ہڈاں دی اگ' (1977)، 'پنجے محل پنجاں وچ چانن' (1987)، اتے 'تخت نا ملدے مانگے' (1990) شامل نیں۔ اونہاں دی کتاب 'کوئی اندروں در کھڑکاوے' وچوں کجھ کافیاں فولک پنجاب تے پڑھن والیاں واسطے شامل کیتیاں گئیاں نیں۔