میرے رام جیو

میرے رام جیو

تسیں کیہڑی رُتے آئے
میرے رام جیو
جدوں باغیں پُھل کملائے
میرے رام جیو

کتھے سئو جد انگ انگ ساڈے
رُت جوبن دی مولی
کتھے سئو جد تن من ساڈے
گئی کتھوری گھولی
کتھے سئو جد ساہ وچ چنبا
چیتر بیجن آئے
میرے رام جیو
تسیں کیہڑی رُتے آئے
میرے رام جیو
جدوں باغیں پُھل کملائے
میرے رام جیو

کتھے سئو میرے پربھ جی
جد ایہہ کنجک جند نمانی
نیم پیازی رُوپ سراں دا
پی کے آئی پانی
کتھے سئو جد دھرمی بابل
ساڈے کاج رچائے
میرے رام جیو
تسیں کیہڑی رُتے آئے
میرے رام جیو
جدوں باغیں پُھل کملائے
میرے رام جیو

کتھے سئو جد نونہہ ٹکدی دے
ساون مہینے بیتے
کتھے سئو جد مہکاں دے اسیں
دیپ چومکھیے سیکھے
کتھے سئو اُس رُتے
تے تُسیں اودوں کیوں نہ آئے
میرے رام جیو
تسیں کیہڑی رُتے آئے
میرے رام جیو
جدوں باغیں پُھل کملائے
میرے رام جیو

کتھے سئو جد جند مجاجن
ناں لے لے کرلائی
عمر چندو آ تان وچاری
غم دی بیڑ رکھائی
کتھے سو جد واک لیندیاں
ہوٹھ نا اساں ہلائے
میرے رام جیو
تسیں کیہڑی رُتے آئے
میرے رام جیو
جدوں باغیں پُھل کملائے
میرے رام جیو

ہُن تاں پربھ جی نہ تن آپنا
تے نہ ہی من آپنا
بہے پُھل دا پاپ وڈیرہ
دیو تے اگے رکھنا
ہُن تاں پربھ جی بہوں پُن ہووے
جے جند خاک ہنڈائے

میرے رام جیو
تسیں کیہڑی رُتے آئے
میرے رام جیو
جدوں باغیں پُھل کملائے
میرے رام جیو

حوالہ: کلامِ شِو؛ سانجھ؛ 2017؛ صفحہ 360 ( ویکھو )