مینوں تاں میرے دوستا میرے غم نے ماریائے
ہے جوٹھ تیری دوستی دے دم نے ماریائے
مینوں تے جیٹھ ہاڑ تے کوئی نہیں گلا
میرے چمن نُوں چیت دی شبنم نے ماریائے
مسیا دی کالی رات دا کوئی نہیں قصور
ساگر نُوں اوہدی اپنی پونم نے ماریائے
ایہہ کون ہے جو موت نُوں بدنام کر رہیائے
انسان نُوں انسان دے جنم نے ماریائے
چڑھیا سی جیہڑا سُورجا ڈبنا سی اس ضرور
کوئی جوٹھ کہہ رہیا ہے کہ پچھم نے ماریائے
منیا کہ مویاں متراں دا، غم وی ماردائے
بہتا پر اس دکھاوے دے ماتم نے ماریائے
قاتل کوئی دشمن نہیں میں ٹھیک آکھداں
شو نُوں تاں شو دے اپنے محرم نے ماریائے
حوالہ: کلامِ شِو؛ سانجھ؛ 2017؛ صفحہ 170 ( ویکھو )
