سیو نی
میرے گل لگ رووو
نی میری عُمرا بیتی جائے
عُمراں دا رنگ کچا پیلا
نس دن پھٹدا جائے
سیو نی ،
میرے گل لگ رووو
نی میری عُمرا بیتی جائے
اک رُتے ساڈا اکو سجن
اک رُت خلقت موہی
اک رُتے ساڈی سجن ہوئی
گیتاں دی خوشبوئی
ایہہ رُت کیہی نکر من
جس سانوں کوئی نہ انگ چھہائے
سیو نی،
میرے گل لگ رووو
نی میری عُمرا بیتی جائے
ایہہ رُت کیہی کُو جد میرا جوبن
نہ بھریا نہ اونا
اٹھے پہر دلے دلگیری
میں بھلکے نہیں جیونا
اگ لگی
اک رُوپ دے بیلے
دُوجے سورج سر تے آئے
سیو نی،
میری ایہہ رُت ایویں
پئی ورتھا ہی جائے
روپ جے ورتھا جائے سیو
من میلا کملائے
گیت جے ورتھا جائے
تاں وی
ایہہ جگ بھنڈن آئے
میں وڈ بھاگی جے میری عُمرا
گیتاں نُوں لگ جائے
کیہ بھرواسا بھلکے میرا
گیت کوئی مر جائے
اس رُت سوئیو سجن تھیوے
جو سانوں انگ چھہائے
سیو نی
میرے گل لگ رووو
نی میری عُمرا بیتی جائے
عُمراں دا رنگ کچا پیلا
نس دن پھٹدا جائے
میری عُمرا بیتی جائے
حوالہ: کلامِ شِو؛ سانجھ؛ 2017؛ صفحہ 400 ( ویکھو )
