لاونے پینے سی پرنالے اکّھاں نوں
چڑھدے ساون لالے تالے اکھاں نوں
کنّاں تیکر لگے جالے اکھاں نوں
کی آکھن گے اکھاں والے اکّھاں نوں
سُفنے وچ وی اوہ جے نظرِیں آ جاوے
جیٹھ ہاڑ وچ لگے پالے اکھاں نوں
اکھاں دی جے گل ہو جاوے آپس وچ
فیر نہیں دِسدے چِٹّے کالے اکھاں نوں
ہر منظر نوں اکھاں لگیاں ہوئیاں نیں
ویکھ رہے نیں آل دوالے اکھاں نوں
طاہرہ حالے دِل دی واری آونی اے
دَل سُٹّیا سُو پہلے گالے اکھاں نوں
حوالہ: شیشہ، طاہرہ سرا؛ سانجھ لاہور 2018؛ صفحہ 24 ( ویکھو )
