جیہڑی بُوٹی دِل وِچ لائی

جیہڑی بُوٹی دِل وِچ لائی، او بوٹی اَج پَھل گئی اے
رو رو کے جو لکڑی سُکّی، عشقَ دی اگّ اِچ بَل گئی اے

لمیاں عمراں دے پَینڈے وی آخر نُوں مُک جاندے نیں
کی ہویا جے تیری اک، جوانی ایتھے ڈھل گئی اے

میرا دوش نئیں اے کوئی، جد تکّ ہویا گلّ لکوئی،
کنّوں کنِّی لُکدی چھپدی، بھرے بازار چ گَل گئی اے

اینویں نئیں پئے ڈِیوے بَلدے، ایویں نئیں پئے جھنڈے ہَلدے،
روضیاں والیاں قبراں دے وچ تیرے عشق دی سَل گئی اے

چُپ چپیتا زہر نوں پِیتا، واصؔف نیں بدنام ناں کِیتا،
مَینوں ویکھ کے دُنیا دی اَکھ آپے تیرے وَل گئی اے

حوالہ: بھرے بھڑولے، واصف علی واصف ( ویکھو )