گُنگے بولے ساڈے یار

گُنگے بولے ساڈے یار
ٹوکن گَلّ نوں اَدھ وچکار

مَیں تَینوں کَد واج نہ ماری
تُوں میری کَد لِتّی سار

مَیں راوی دا اُرلا کنڈا
تُوں راوی دا پَرلا پار

ایتھے بندے گُم ہو جاندے
تُوں پگڑی نوں لبھیں یار

تُوں اللہ توں ڈر دا رَو
میرااُسدا ازلی پیار

مَیں الحمد دا وِرد کمایا
مَینوں بھُلیااستغفار

واصؔف جنگلاں نُوں ٹُر گیا
اَینویں نہ پیا واجاں مار

حوالہ: بھرے بھڑولے، واصف علی واصف ( ویکھو )