خاہشاں دی دوڑ دے طوفان وچ
لبھّ رہا ہاں میں وفا انسان وچ
دو قدم دا فاصلہ وی ہے طویل
ہوصلہ ہووے نہ جے انسان وچ
آرزو دا ہر سُفینہ ڈُب گیا
نا اُمیدی دے چڑھے طوفان وچ
میں سدا کرنا واں اوہدی جستجو
تیرے بھانے جو نہیں امکان وچ
خوف کھاندا آپ اوہ انسان توں
عقل ہندی جے کدے حیوان وچ
پھر رعایا کیوں مخالف ہو گئی
جے بُرائی کجھ نہیں سلطان وچ
جد کشش آغا وکھائی کفر نے
تازگی آئی میرے ایمان وچ
حوالہ: فکراں کد توں وڈیاں نے