شام ڈھلے تے آپنا سینہ ٹھارے رات
چنّ نوں ویکھے نالے ویکھے تارے رات
مِٹھی نیندر سوندے لوکی بستر تے
ساڈی نیند اُڈا کے پیر پسارے رات
ٹُردی ٹُردی تھکّ جاندی اے آپ جدوں
سورج پچھے لک کے تھکن اتارے رات
لوکی شکوہ کردے نِکیاں راتاں دا
سانوں لگن پل وی بھارے بھارے رات
دل تے زردا تائنے سبھناں سدھراں دے
تارے گن گن کٹدے نین وچارے رات
کردے نے اعتبار کسے دا آغا جو
اُنھاں نوں ترسا ترسا کے مارے رات
حوالہ: فکراں کد توں وڈیاں نے