شہر دے گندے پانی نل دریا دا وضو ٹٹ گیا ہُن میری تریہہ نماز کیویں پڑھے گی دریا تے تیمم وی نہیں کرسکدے میں کل اک سُفنا ویکھیا ہے جے میرے مصلے تھلے سپ ہی سپ نیں مولوی ہوراں نوں میں ایہہ سفنا دس کے تعبیر پُچھی تے اوہناں دیاں اکھیاں گول تے تیز چکمدار جِبھ ککر دے کنڈے ورگی نوکیلی تے بُلھ نیلے تھوتھے ورگے ہو گئے مونہہ وچوں زہریلی جیہی جھگ وگن لگ پئی کہن لگے چالھی دیہاڑے خالص ددھ وچ کھیر پکا کے مسجد وچ بھیجدے رہو سبھ ٹھیک ہووے گا مینوں میاں محمد ہوراں دا کھیر تے کُتے آلا بیت یاد آ گیا پر میرا مسئلہ تے کھیر تے سپ سی کھیر تے کُتا نہیں میں باؤلا جیہا ہو کے میاں صاحب نوں ہاک لائی تے اوہناں نے آکے ایہہ گل سمجھائی جے کھیر اس ہونی دی ایکویشن دا کانسٹنٹ پارٹ ہے تے سپ تے کُتا آپنیاں جوناں اپنا ورتارا تے اپنیاں شکلاں بدلدے رہندے نیں جھلیا سپاں تے مصلہ نہیں ڈاہیدا تے کُتا کُھلھا چھڈ کے تہجد نہیں پڑھی دی ۔۔۔
