پردیسیاں نتھاویاں دی ایہہ وی کی دیوالی ہے
کالی بِھجی رات کھڑی دراں 'تے سوالی ہے
ساؤُ پت رام جی تاں چلے گئے سی گھر نوں
کماؤ پت مڑے نہیں ہالے تائیں گھر نوں
باراں دے ہزاراں ہوئے، بُھلی ساری گنتی
نت دیس دور ہندا، ہندی نہیں منتی
دیوے کاہتوں بالدے جے بنیرے نہیں گھر دے
بیگانے کورے دل کدے دکھ نہیؤں ہردے
پی کے دارو کھیڑدے، جین دا کی پُجّ ہے
کون جانے کیہڑی گھڑی، کل ہے نہ اج ہے
جتھے میرا واسا اوتھے کندھ ہے نہ در ہے
ایسے نوں میں جانیا گھروں دور گھر ہے
پردیسیاں نتھاویاں دی ایہہ وی کی دیوالی ہے
کالی بِھجی رات کھڑی دراں 'تے سوالی ہے
