پھٹ دلاں دے کلیاں ہی میں سہہ جاواں
پیار کدی نہ کرنا ایہہ میں کہہ جاواں
دُکھ دی دُھپے ٹردا ٹردا تھک گیا ہاں
سکھ دی چھاں جے ملے کدرے بہہ جاواں
چوس کے اپنے ہنجوواں نوں میں رُوں وانگوں
انا بھاری ہوئیاں نہ میں ڈھہہ جاواں
گِن گِن تارے راتاں لنگیاں ہجر دیاں
اس توں کیہڑا وڈا دکھ جے سہہ جاواں
فیر کدی نہ پھیر کے مونہوں نوں ٹُر جائیں
جے تینوں میں دل دی گل اج کہہ جاواں
خورے ایہہ ویلا نہ امجد ہتھ آوے
جھٹ گھڑی جے کول تیرے میں بہہ جاواں
