وارث، بُلھے ورگے بیٹھے، ہنس وسار پنجابی نے
کسراں آکھاں ماں بولی دے 'برخدار' پنجابی نے
بالاں دے منہ جیہڑے اکھر چوغے وانگوں دینے سن
اوہناں بدلے پھڑ پھڑ اوبڑ تندے یار پنجابی نے
اُچن چیتی وی نہ لاویں میرے متھے اوہناں نوں
جیہڑے وی اس دھرتی اتے بدبودار پنجابی نے
اودھر اودھر کراں سلاماں دل دی دنیاں کہندی اے
جدھر جدھر جاندے میرے باکردار پنجابی نے
کنڈ کدے نہ لگے ربا وچ میدانے اوہناں دی
جیہڑے اپنی ماں بولی دے خدمتگار پنجابی نے
خواجہ 'فرید'، محمد، وارث، نانک، بلھا، باہو، لال
ایہہ پنجابی اچے سچے، ایہہ سردار پنجابی نے
اپنی بولی بولن ویلے جہناں دا ساہ گھٹدا اے
'بابا نجمی' دے دے فتویٰ، اوہ غدار پنجابی نے
