عاقل تے عاشق

عاقل کہندا رب رب کر
میں آکھاں جو رب کہندا توں اوہ وی کر

عاقل کہندا دین دے ناں تے غیراں کولوں نفرت کر
میں آکھاں توں رب دی خاطر غیراں نوں وی اپنا کر

عاقل کہندا میرے کہن تے جگاں کر
میں آکھاں توں امن دی خاطر دنیا نال محبت کر

عاقل کہے بندوق اُٹھا کے معصوماں نوں گولی مار
میں آکھاں بندوق توڑ کے سب نوں ونڈ پُھلاں دے ہار

عاقل کہندا سب دنیا نوں کافر کہہ
میں آکھاں توں سب دنیا نوں اپنا کہہ

عاقل کہندا میریاں ساریاں بِدتاں پھڑ
میں آکھاں توں رب سوہنے دی راہ تے چڑھ

عاقل کہندا لمی لمی داڑھی کر
میں آکھاں توں داڑھی دے نال تقویٰ وی تے پیدا کر

عاقل کہندا کالے کاں نوں چِٹا کہہ
میں آکھاں توں سچ نوں عاقل جھوٹھ نہ کہہ

عاقل کہندا وچ سپیکر اُچی بول تے بڑھکاں مار
میں آکھاں میرا رب کہندا اے ہولی بول

عاقل کہندا دین دے اندر فرقے پا
میں آکھاں انسان نے سارے فرق مٹا

عاقل کہندا دین دے ناں تے اگاں لا
میں آکھاں توں خوشیاں دے پُھل برسا

عاقل کہندا غیراں نوں سلام نہ کہہ
میں آکھاں سلام پہنچا کوئی دل نہ ڈھا

عاقل کہندا بے امنی دے نھیرے کر
میں آکھاں توں نال محبتاں چانن کر

عاقل کہندا میرے دین دا قاعدہ پڑھ
میں آکھاں محمد پاک دی راہ نوں پھڑ

عاقل کہندا تہانوں میں مرید بناواں
فطرت کہندی تہانوں میں رب نال ملاواں

جو کجھ عاقل توں کہنا ایں رب دے بندیاں کرنا نئیں
رب دے بندے جو کہندے نیں جے توں وی اوہ کرنا نئیں

فیر تیری ساڈی راہ اے وکھری ایویں ساڈا سِر نہ کھا
جا جا عاقل پُھٹاں کھا، جا جا عاقل پُھٹاں