زندگی وچ توں جدوں شامل نہ سی
میں اودوں تک جین دے قابل نہ سی
ہے ملی اوس نوں سزا ایس دوش دی
اوہ کسے سازش دے وچ شامل نہ سی
رو پیا محفل چ دل ایہہ ویکھ کے
تیریاں پیراں چ اوہ پائل نہ سی
اُنج ہزاراں لوک میرے نال سن
ساتھ تیرا ہی مگر حاصل نہ سی
جو نصیباں نے دکھائی ہے دِلا
میریاں خبراں دی اوہ منزل نہ سی
کاغذاں دا باغ سی تے ساز سی
واج سی کوئل دی پر کوئل نہ سی
ڈُبیا سی کنگ جس وچ دوستو
اوس ساغر دا کوئی ساحل نہ سی
حوالہ: چونویاں غزلاں؛