قُدسیاں دا مان، رب دا لاڈلا
احمدِ مرسل محمدﷺ مصطفے
بندے دا اللہ دے ناں اک واسطہ
عاصیاں لئی کملی والا آ گیا
کلیاں نوں خوشبو ملی، پُھلاں نوں رُوپ
پتی پتی آکھیا صلِ علی
دور ہوئے سبھ انھیرے جگ توں
تیری آمد رونقِ عرض و سماء
گونگیاں تہذیباں کلمہ سکھیا
یا نبی والفجر چہرے والیا
تیرا سرناواں اے سوبھا جگ دی
اُمتاں دے چھیڑو فخرِ انبیاء
حسؔن دے بختاں نُوں انج سونا کرو
جس طرحاں ہو گئی حلیمہ سعدیہ
حوالہ: نیتی عشق نماز، حسن ملک؛ سانجھ لاہور 2009؛ صفحہ 24 ( ویکھو )
