لوح محفوظ اُتے رب اُلیکیا سونے رنگا ناواں
باطل کفر دی انّھی دُھپ نوں ملیاں ٹھنڈیاں چھاواں
کوری چادر سبّھے اُمتاں تیرے ناں توں ٹھیکی
سوہجھ سُہپن ڈھلکاں دا توں سُچا ایں سرناواں
آکھیا ورقہ بن نوفل نے سُن کے بول رسیلے
پھر موسی دے رب سجائیاں روشن روشن راہواں
پھیر بلال حبشی دا تیرے بوہیوں خیراں ٹولے
قرنِ اویس وی آکھے تیتھوں صدقے واری جاواں
لہو جگر دا ہنجو نینیں جھڑیاں ساون لائیاں
حسؔن دے سینے بلدے بھانبڑ، کردے دُور بلاواں
حوالہ: نیتی عشق نماز، حسن ملک؛ سانجھ لاہور 2009؛ صفحہ 13 ( ویکھو )
