جیوندا رہے وے جین جوگیا
میتھوں پہلاں روٹی توں کھادی
میرے حِصے دا دُدھ وی پیتا
باپوں نال میلے وی توں ویکھے
تیری جُتی آؤن تے
چاء مینوں چڑھنے
عبادت وانگوں تیرے لیڑے دھوتے
ماں نے تیرا غُصا وی میرے تے کڈھیا
توں شہر پڑھن گئیوں تے
پورا پورا ہفتہ تیری راہ تکی
تینوں سٹ لگی تے پیڑ مینوں ہوئی
تینوں گھر مِلیا تےمینوں دیس نکالا
تیریاں دم دم خیراں منگیاں
تینوں نِت نِت جین دعاواں دِتیاں
جیوندا رہے وے
جیوندی نوں موئی لکھوان والیا
