ٹر گئے سارے غیرت مند سیاستدان اساڈے
ہیجڑیاں دا دور وے ربا لوڑ اسانوں نر دی
چودھر بوٹاں والیاں نوں مل جاندی پار سمندروں
جھولی چُکّ سیاست پئی پھر اسدا پانی بھردی
مر مکّ گئی اے غیرت لگدی سرکاروں درباروں
دل دے زخم دکھائیے کیہنوں نہیوں دِسدا دردی
محنت پیار محبت مُکے دیس اساڈے وچوں
ہوس پرستی ودھ گئی ہر تھاں عقل پئی گھا چردی
ماں دی عزت دے رکھوالے پتر ہوئے کپُتّر
ونّ سونّے دکھ جنید اکرم پئی دھرتی جردی
