کیوں پتھر دیا بُتا تیری سر دل تے سر بھنّاں
توں جے میری قدر نہیں کردا میں کیوں تینوں مناں
میرے بعد پھرولیں گا جد ورق کتاب میری دے
بھریا ہوسی تیری پیار کہانی دا ہر پنّاں
یار گوا بیٹھے تے بندہ ہتھ ای ملدا رہندا
ایہو سبق پڑھاندیاں تینوں عمر وہائی چنّاں
عشق تیرے وچ سوہنیا بھیڑا حالَ اساڈا ہویا
پھس گئی جان شکنجے دے وچ جیوں بیلن وچ گنّا
لگدا اے جے شہر اساڈے سجن نے مڑ آؤنا
لوکاں بتیاں نال سجایا ہر کوٹھا ہر بنّاں
خصماں باجھ وی اپنا آپ سنبھالن توڑ حیاتی
اوہو گھر دیاں راکھیاں ہوسن اوہو نسلی رنّاں
ربّ ای راکھی کرے جنید اکرم ہُن دیس میرے دی
تھاں تھاں چوراں لٹّ مچائی تھاں تھاں لائیاں سنّھاں
