دس ایہہ کی بھلاں دوستا ہو گیا
تینوں سجدہ کی کیتا خدا ہو گیا
دن چڑاؤندا تے لاہندا سی چہرہ کوئی
تینوں ایویں بھرم سورجا ہو گیا
سبھ مسافر خیالاں دی لو لے تُرے
انج چانن دا اک قافلہ ہو گیا
ہتھ پھڑ کے تُرے ساں قدم دو قدم
موڑ پہلے تے ہی حادثہ ہو گیا
توں گیا تاں نشہ ہر ہوا ہو گیا
تیرے آیاں ہوا نوں نشہ ہو گیا
پیٹ بھکھا سی پر فرش چاندی دا سی
اک پارہ بدن تھرکدا ہو گیا
چاند ویکھاں گے اوس وچ ہی عکس اپنا
اک پتھر جدوں آئینہ ہو گیا
