اکھیاں نال نظارے ہُندے، کِھڑ دے پُھلّ بہاراں نال
گیت محبت والے گائے جاندے دل دیاں تاراں نال
جنہاں جیوندیاں شکل نہ دیکھی، حالَ پرت کے پُچھیا نہ
دیکھو اوہ اج روندے پھردے، کر کر بات مزاراں نال
ہووے خیر جفا تیری دی، میں مجرم اس گلّ دی ہاں
کیوں میں عمر گزاری تیرے جھوٹھے قول قراراں نال ؟
مسجد وچّ شرابی دا، کی کم ملاں دا میخانے ؟
اک مزدور دا ناتا کی اے شاہاں دے درباراں نال ؟
دشمن دا اج پتہ کرن نوں اسیں کچھارے نکلے ساں
دیکھو قسمت، ٹکر ہو گئی، پھر اپنے ہی یاراں نال
عزم سی دریاواں ورگا، ہمت وانگ چٹاناں دے
ویریاں توں تے مردے نہیں ساں سجناں ماریا پیاراں نال
