استاد دامن

قدر دساں کیہ تیری استاد دامن
گھرے آٹا نہ رکھیا ڈنگ دا سی

فاقے رہیا پر نہیں اظہار کیتا
نہ کجھ اپنے پرائے توں منگدا سی

موتو قبل انت موتو دا سبق پڑھ کے
نہیوں موت کولوں توں سنگدا سی

زندہ رہویں گا ہُن وی قبر اندر
تیرا گھر وی تے ایسے ڈھنگ دا سی

جھولی وچ اپنے توں دُکھ پا کے
خوشیاں دیس پنجاب نوں ونڈ دا سی

ہویا سارے پنجاب نوں سوگ تیرا
جس نوں ہاسیاں دے نال توں رنگدا سی

ہوئیاں مدتاں بھاویں چراغ بُجھیاں
پر ایہہ ڈیڑہ تے دامن ملنگ دا سی

تینوں فیض دے دُکھ نڈھال کیتا
رو رو اپنی موت توں منگدا سی

رہسن جنتاں وچ ہمیش دوویں
ساتھ پا لیا دوہاں سنگ دا سی

حوالہ: سدھراں مٹی ہوئیاں؛ صفحہ 129