سب دے غم خوار رُتبے نرالے تیرے

سب دے غم خوار رُتبے نرالے تیرے
دو جہاناں چہ پئے ہون اُجالے تیرے

دل میرا، جان میری، دین تے ایمان میرا
میری ہر چیز میرے آقا حوالے تیرے

بن گئے حیدر و فاروق تے صدیق و غنی
جنہاں میخواراں نے پیتے نے پیالے تیرے

بُجھ گئے آپ تیرا نور بُجھاون والے
دیوے بلدے ای سدا رہن گے بالے تیرے

غیر وَلّے نہ نگاہ اُٹھی کدے اوہناں دی
جنہاں خوش بختاں نوں رب جلوے وکھالے تیرے

خادم حضرت حسانؓ ، ظہوری سارے
تیرے ٹکڑے تے پئے پلدے نیں پالے تیرے