ہندا اے کرم خوش بختاں تے سلطان مدینے والے دا
کوئی قسمت والا بن دا اے مہمان مدینے والے دا
بلبل نوں سار چمن دی اے، وِچھڑے نوں تاہنگ ملن دی اے
دل والے ای دل وچ رکھدے نے ارمان مدینے والے دا
عرشی بے چین سلامی نوں، فرشی بے چین غلامی نوں
اللہ ای بہتر جان دا اے، کیہہ شان مدینے والے دا
سرکار دے منن والیاں دی تاریخ گواہی دیندی اے
کردا اے حکومت دنیا تے دربان مدینے والے دا
سینے وچ یاد مدینے دی، بُلہاں تے نام محمد دا
میرے تے ظہور ی ڈاہڈا اے احسان مدینے والے دا
حوالہ: کتھے تیری ثناء، صفحہ 47 ( ویکھو )
