بھائی کی موت پر

تیری جھاڑ کتاباں رکھ نی آں نالے صاف کراں تصویر نوں
کدی جگ ویری نال لڑنی آں کدی دوش دیاں تقدیر نوں

میں وانگ دیوانی ہو پاگل پئی ڈھونڈاں سوہنے ویر نوں
جدوں پُھل گلاب نہ کِھڑ سکیا کیہ کرنا ایں چنڈ کریر نوں

تیرا ککھ نہ روے ڈرائیورا وے تھلے دیتا ای بے تقصیر نوں
میرے خون دے اتھرو لے کشفی جا دسیں بے نظیر نوں

کوئی اتھرو پونجے روندیاں دے تاں دُکھ سنائے جاندے نیں
کئی بے گناہ غریب بندے میرے وانگوں دھکے کھاندے نیں

توں چھڈ چوہدراہٹ مکراں دی دُکھ سُکھ وچ سب دا سانجھا بن
توں سونا ایں چڑھ کسوٹی تے نہ لوہا پیتل تانبا بن

اس باغ دے پتے پتے دا توں مالی بن توں سانبھا بن
چھڈ کھیڑا اسیر تے قید دا توں مجبوراں دا رانجھا بن

گئے مُک پُرانے سب قصے نویں دُکھ تے نویں جنجال پے گئے
لہو دے کے لایا سی باغ جیہڑا ونڈاں پان لئی نویں پُھنچال پے گئے